O importador británico ten 4 opcións de declaración aduaneira, en función do tipo de mercadoría e do réxime de entrada no Reino Unido. O Goberno británico estableceu un calendario de etapas para minimizar o impacto dos trámites aduaneiros entre os meses de xaneiro de 2021 e marzo de 2022 que vostede debe consultar para a súa referencia.
Os tipos de declaración aduaneira son:
1) Declaración diferida
2) Procedemento estándar de importación (Standard import procedure)
3) Procedemento de declaración simplificada (Simplified declaration procedure), para algúns bens controlados e todos os non controlados. Necesita autorización previa.
4) Tránsitos, se a mercadoría se move por varios territorios, ou se quere completar as formalidades aduaneiras lonxe da fronteira.